من لا يفز بجيتي ليه انا اجيه

من لا يفز بجيتي ليه انا اجيه...
ومن لا تهمه روحتي ماطريته...
اللي يراعينا مثل مانراعيه...
دايم على بالي ولو مالقيته...
واللي يبيني دايم الدوم لاقيه...
واللي يبي فرقاي ماجيت بيته...
لا تتبع المقفي ولا تلتفت فيه...
ولا ترغب الا من هواك وهويته...
لي مدة ايامن مع شهور باغيه...
والحين باع القلب وانباع صيته...
امن اولن لا جبت للناس طاريه...
قالوا هنيك يوم فكره حويته...
والحين ياقلب المعنا تباريه...
ودك عليه بعز .. في عز جيته...
ياقلب باعك واحدن كنت شاريه...
باعك*وخلا لك همومن مميته...
يالشامخ اللي كل شامخ تعديه...
اليوم همك وسط قلبك بنيته...